Республикыштына у тарифым шотленыт

              Республикыштына у тарифым шотленыт. Промышленность, экономически вияҥмаш да торговля министерствын тарифым кугыжанышын регулироватлыме пӧлкаштыже ЖКУ-лан у тарифым шотленыт. Тудо тачысе кече гыч пурталтеш. Министрын алмаштышыже Михаил Полубарьевын мутшо почеш кызыт тариф сеткым кӧргӧ политике, верысе самоуправленийым вияҥдымаш да юстиций министерствыш тергаш да пеҥгыдемдаш колтымо. Россий юстиций министерстве дене согласоватлыме деч вара тарифым официальный сайтыште савыктат да калыкым палдарат. Ак вашталтмаш йӱштӧ да шокшо вӱдым, электроэнергийым, шокшым, газым да шӱк-куштырам шупшыктымым тӱка. ЖКХ тарифым шушаш ийын июль гыч огыл, а тений декабрь гыч кӱзыктат. Сандене тарифым черетан кугемдымаш ик ият пеле гыч гына, 2024-ше ийын июльышто гына лиеш.

Прошлые выпуски