Республикыштына «Юл эҥерым тазаҥдымаш» да «Ару вӱд» проект- влакым графикым ончылтен шыҥдарат

Республикыштына «Юл эҥерым тазаҥдымаш» да «Ару вӱд» проект- влакым графикым ончылтен шыҥдарат
               Республикыштына «Юл эҥерым тазаҥдымаш» да «Ару вӱд» проект- влакым графикым ончылтен шыҥдарат. Москошто Марий Элым вуйлатыше Юрий Зайцев ден Российысе чоҥымаш, илыме вер да коммунал озанлык  министр Ирек Файзуллин вашлийыныт. Нуно «Юл эҥерым тазаҥдымаш» да «Ару вӱд» федерал проект- влакым шыҥдарыме, Йошкар-Олаште канализаций коллекторым капитально олмыктымо, илыме выерым чоҥымашым вияндыме да тенийлан план нерген мутланеныт. Республикыште кызыт  13 комплексно вияҥдыме кумдык уло. Тушто шуко пачеран пӧрт- влакым чоҥаш 139 гектар мланде участке шотлалтеш. Тиде кумдык 820 тӱжем квадрат метр илыме верым чоҥаш йӧным пуа. Тиде регионым вияҥдашлан сай куат, палемден Ирек Файзуллин. Кодшо ийын Марий Элыште 435 тӱжем квадрат метр илыме верым ыштен шуктымо. Тидыже план деч 112 процент утла лиеш. – увертара Росстат. «Ару вӱд» федерал проектат чолган шыҥдаралтеш. Республикыште вӱдым ситарыме 8 объектым чоҥаш палемдыме. Тушечын нылытыштыже кызыт паша шукталтеш. Килемар районысо Арде ден Визымярыште вӱд пучым чоҥат, Морко районысо Арын ден Чодыраялыште вӱдым ситарыме паша шукталтеш, У Торъялыште вӱдым пушкыдемдыме станцийым ыштат. Вашлиймашыште палемдыме: каласыме проектла дене ятыр мероприятийже графикым ончылтен шукталтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски