Ялласе книгагудын фондшым пойдараш полшен кертат

 Кугу Сеҥымашлан 75 ий темме вашеш Марий Эл «Ялласе книгагудо- влаклан порылык марафон» Россий кӱкшытан акцийыш ушнен. Тудын тӱҥ шонымашыже- ялласе книгагудо- влакын фондыштым пойдарымаш да сылнымутым лудаш кумылаҥдымаш. Акцийым «ОНФ Молодёжка» партнёржо- влак полшымо дене эртара. ОНФ-ын верысе исполкомыштыжо книгагудылашке колташ книга- влакым погаш тӱҥалме. Кумылан- влак Кугу Ачамланде сар нерген, сылнымут произведенийым, патриотизм шӱлышан моло савыктышым конден кертыт. Книгам налме вер: Йошкар- Оласе Ленин проспект, 29-ше пӧрт, 50-ше пӧлем. Профсоюз ушем могырым пурыман.

Прошлые выпуски