Ковид дене черле- влаклан койко фондым ешарат
Республикын тазалыкаралтыш министрже Марина Панькова коронавирус йодыш дене журналист- влаклан брифингым эртарен. Регионышто пневмоний дене черланыше да коронавируслан келшен толшо чер ден черланыше- влаклан 712 койкым вераҥдыме. Тушечын 82 процентше але 581 койкышкыжо эмлаш пыштыме. Ситуацийым контрольышто кучаш манын, коло процент деч шагал огыл яра койко лийшаш. Сандене южо эмлыме верым да пӧлка- влакым петырен, койко фондыштым черле- влаклан пуаш лийме. Шуматкечын сарын ветеранже- влаклан госпитальыш 65 черлым вераҥдыме, Йошкар-Олалан полшышо Медведево эмлыме верыште ондак почмо 120 койко деке эше ешарен 62-ытым вераҥдыме. Кызыт тушто 130 еҥ эмлалтеш. Оршанке рӱдӧ эмлыме верыште олан кӱлешлыкшылан 90 верым ямдылат. Волжск оласе эмлыме верыште азам ыштыме пӧлка петыралтеш, ӱдырамаш- влакым Йошкар-Оласе перинатал рӱдерыш кусарат, Тыге эмлыме верыште 50 вер ярса. Козьмодемьянскысе эмлыме верыште йоча пӧлкам петырыме да 55 верым ыштыме. Йоча- влакым Йошкар-Олашке республикысе эмлыме верыш кондымо. Министр эше ик гана маскым, перчаткым чиен кошташ, дистанцийым эскераш ӱжын ойлен.
