Федерал правительство коммунал инфраструктурын объектше- влакым модернизироватлыме шотышто пилот проект- влакым поддержатлен
Федерал правительство коммунал инфраструктурын объектше- влакым модернизироватлыме шотышто пилот проект- влакым поддержатлен. Кодшо арнян республикышкына Россий правительствын председательже Михаил Мишустин толын ыле. А тиде арнян пале лийын: коммунал инфраструктурым модернизироватлаш оксам ойырымо регион- влак коклашке Марий Элымат пуртымо. Тидын нерген распоряженийым премьер- министр теҥгече пеҥгыдемден. Шке проектым шыҥдараш федерал полышым улыжат вич кундем налеш. Тиде пашалан нунылан ик миллиардат 260 миллион теҥге ойыралтеш. Марий Элыш 213 миллион утла теҥге окса толшаш. Тиде шийвундо Козьмодемьянск олаште инженер сетьым да вӱдым йоктарен колтымо системым пужен ышташ колталтеш. Козьмодемьянскыште тиде паша «Юл эҥерым тазаҥдымаш» федерал проект дене тӧр келшен толеш.
