Маске режимым пудыртышо организаций-влак нерген увертараш йодыт
Йошкар-Оласе калыкым олаште маске дене коштмо режимым шке терген шогаш ӱжыт. Ола администраций маске режимым пудыртымо нерген уверым 45-06-22 номер дене увертараш йодеш. Обращенийыште возымо: черланыше- влакын ешаралтмыштлан кӧра организаций- влакын маске режимым шуктыдымышт шотышто увертараш йодына. Тиде- маске деч посна толшо еҥ- влакым обслуживатлымаш, тӱшка транспортышто маске деч посна коштмаш, дистанцийым эскерыдымаш, санитайзерын укелыкше. Йыҥгырым 8 шагатат 30 минут гыч 17 шагатат 30 минут марте налыт. Ушештарена: теҥгече гыч таче марте оласе калык деч 47 увертарымаш пурен.
