Российыште вольыклан обязательный маркировкым пурташ шонат

Российыште вольыклан обязательный маркировкым пурташ шонат. Тушко пырыс, пий, ушкал, сӧсна, кролик, шорык, каза логалшаш улыт. Тидын нерген Российысе ял озанлык министерствын савыктыме закон проектше ойла. Маркировка, тудын акше да шындымылан акше  тӱрлӧ лиеш. Мутлан, бирке 20 теҥге марте шога гын, шындымылан 70 теҥге марте кая, оҥго, шӱй кандыра, микрочип, татулан 5 гыч 500 теҥге марте оза- влак тӱлышаш улыт. Эксперт- влакын мутышт почеш, тиде мера чер шарлымым эскераш, йомшо вольыкым кычал муаш полша. А теве шотдымо оза- влакым пеш ок куандаре: пий ден пырысым уремыш луктын колтат гын, озажым вашке муаш лиеш. Законопроект икымше январь гыч илышыш пурышаш. Тиде кече марте шочшо вольыкым вич ий жапыште маркироватлен шуктыман. Вес ийын шочшо- влакым учётыш 2022-шо ий гыч шындаш тӱҥалыт.

Прошлые выпуски