Йошкар-Олаште эркын йоча сад- влак пашам ышташ тӱҥалыт
Йошкар-Олаште йоча сад- влакым йыжыҥын-йыжыҥын почаш тӱҥалыт. Ола округ администрацийын туныктыш виктемжын увертарымыж почеш, чарыме мерын вийыште улмыжо годым, йоча тӧнеж- влак группо- влакын пелыж дене але 12 еҥан группо дене пашам ышташ тӱҥалыт. Чер шарлымым шижтараш манын, йоча тӧнежын пашаеҥже- влак медицина тергымашым эртышаш улыт. Нунын тергалтмышт семын йоча сад- влакым почаш тӱҥалыт. Группо- влакым йоча садым вуйлатыше чумыра.
