Юрий Зайцев ачамланде воинын еш комитетшын регионысо штабшым кок ий пашам ыштыме дене саламлен
Юрий Зайцев ачамланде воинын еш комитетшын регионысо штабшым кок ий пашам ыштыме дене саламлен. Марий самырык театрыште тидын шотышто торжественный мероприятий эртен. Тушто «Ачамланын воинже- влакын ешыштын комитетшым» вуйлатыше Юлия Белехова участвоватлен. Организаций военнослужащий- влакын ешыштлан полышым пуымаште чолган тырша, психологий, шӱм-чон да юрист полышым пуа, каныш ден гуманитар акций-влакым эртара. Посна тӱткыш самырык тукымым патриотизм шӱлышеш шуарыме да ӱдырамаш- влакым мер илышлан кумыландымылан ойыралтеш. Торжественный ужаш деч ончыч Юрий Зайцев Юлия Белехова дене пырля шлем ӱмбач чийыме калпакым пидме, илен лекме браслетым ыштыме, меж гыч лӱйлын ӱзгарым ыштыме шотышто мастар-классым онченыт. Тыгак «Геройын Пелашыже. Геройын Аваже» ончерым ямдылыме. Нуно выставкын участницыже- влак дене мутланеныт. Юрий Зайцев штабын еҥже- влаклан Российын патриотшо- влакым куштымыштлан тауштен. Мероприятийыште правительствын еҥже- влак СВО-н участникше- влакын ешышт, черке служащий да верысе калык участвоватлен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
