Юрий Зайцев школьницылан Россий Президентын лӱмжӧ дене пӧлекым кучыктен
Юрий Зайцев школьницылан Россий Президентын лӱмжӧ дене пӧлекым кучыктен. Пӧлекым 9-ше номеран кыдалаш школын тунемшыже Мирослава Ямщикова налын. Лу ияш хоккей дене профессионально ямдылалтше ӱдыр шукертсек шонен коштмо формым налын. Мирослава кум ий школ деч ӧрдыжсӧ спорт рӱдерын «Хоккей» пӧлкаштыже ямдылалтеш. Тудо «Медведи» хоккей командыште модшо-вратарь семын тырша. Пытартыш ийлаште команде сай лектышыш шуын. Юрий Зайцевын Российын президентше лӱм дене кучыктымыжо тудын спорт сеҥымашыжым шотлымо гына огыл, умбакыже вияҥдаш ӱжмаш семын лийын. Республикым вуйлатыше дене вашлиймаште тудын аваже ден иза-шольыжо- влак лийыныт. Юрий Зайцев палемден: Элнан президентше Владимир Путин шке лӱмжӧ дене Мирославан серышыште йодмо пӧлекшым кучыкташ йодын. Мый эсогыл ӧрынам: тыгай нарашта ӱдар да эше вратарь. Тиде формо ӱдырлан спорт дене эше пеныдынрак кылым кучаш кумылжым шочыкта манын ӱшанем. Самырык хоккеисткын уже куд медальже, вич грамотыжо да ГТО-н кум ойыртмелатше знакше уло.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
