Регионлаште догазификацийым эртарыме шотышто рейтингыште Марий Эл кумшо верым айла
Регионлаште догазификацийым эртарыме шотышто рейтингыште Марий Эл кумшо верым айла. Тыге тудо 58 баллым поген да «ужар» зонышто улеш. Догазификаций программым 2024-ше ийыште шуктымым да 2025-ше ийлан планым Россий Правительстве председательын алмаштышыже Александр Новакын эртарыме газификаций шотышто федерал штабын заседанийыже каҥашыме. Совещанийыште видеоконференций режим дене Марий Элым вуйлатыше Юрий Зайцев участвоватлен. Таче кечылан догазификаций программыш ушнаш республикыште лу тӱжемат 194 йодмаш пурен. Тушечын 9 тӱжемат 127-шым пашашке налме. 658 илемыште участке чек марте 8 тӱжемат 694 йодмашым шуктымо, а шым тӱжемат 611 суртым газ деке ушымо. Тидыже тӱшка пеҥгыдемдыме ойпидыш гыч 86 процент лиеш. Российын Президентше Владимир Путинын кӱштымыжӧ почеш республикыште газым пуртымо сад да пакча товариществылаште газым пуртыдымо пӧрт- влаклан инвентаризацийым эртарыме. Тыге коммерцийдыме 11 сад товариществыште 309 пӧртым рашемдыме. Сад товариществылаште догазификацийым ыштыме программыш ушнаш 117 йодмаш пурен. Тушечын 98-ыжым пашашке налме, 94 ойпидышым кылдыме, 8 йодмаш почеш участке чек марте пучым шупшмо, ныл суртым газ деке ушымо.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
