Волжск олаште «Российын ечыгорныжо» таҥасымашын республикысе рӱдӧ таҥасымашыже эртен
Кодшо шуматкечын Волжск олаште Россий кӱкшытан «Российын ечыгорныжо» таҥасымашын республикысе рӱдӧ таҥасымашыже эртен. Тушко профессионал спортсмен- влакат, тӱрлӧ ийготан куржталаш йӧратыше- влакат ушненынт, ятырже ешышт дене миеныт. Эн изи ийготан ечызылан кок ий утларак гына лийын. Чылаже тӱжем наре еҥ погынен. Сеҥыше- влакым икмыняр категорийыште палемдыме. Вич меҥгыш 2007-ше ийыште шочшо да самырыкырак ӱдыр да рвезе- влак коклаште Юрия Грушевская ден Александр Тораев икымше верым налыныт. Лу меҥгыш 2006-шо ийыште шочшо да кугурак- влак коклаште ӱдырамаш ден пӧръеҥ- влак гыч Чулпан Зуева ден Роман Важенин эн ончыч толыныт. Сеҥыше- влак радамыште тыгак Мария Козлова ден Кристина Фёдорова да Павел Белавин ден Данил Петухов, вес категорийыште Юлия Падыганова ден Елизавета Андрианова да Дмитрий Веткин ден Александр Васильев улыт.
Фото: Спорт министерстве.
Фото: Спорт министерстве.
