Йошкар-Олаште «Сеҥымашын 100 меҥгыжым» куржын эртат
Йошкар-Олаште «Сеҥымашын 100 меҥгыжым» куржын эртат. Куржталмаш Йошкар-Оласе Сеҥымаш Паркыште 23-шо февральыште лиеш. Таҥасыде пайрем куржталмаш ачамландым аралышын кечыжлан да Кугу Сеҥымашлан 80 ий теммылан пӧлеклалтеш. Тудым куржталаш йӧратыше- влакын «Айвика» клубышт ден Ленин лӱмеш тӱвыра полат эртарат. Тушко кажне кумылан еҥ ушнен кертеш. Тӱҥжӧ- участник парк йыр вич гана, ик меҥгым 8 минутышто куржмо скорость дене, эртен кертшаш. Пайрем эстафета 8 шагат эрдене тӱҥалеш да пытартыш участникын 100 меҥге палыште финишыш толын шумекыже мучашлалтеш. Кажне участник значокым да электрон йӧн дене лектышым ончыктымо дипломым налеш. Эн писе да эн чытышан куштылго атлет- влак организатор- влакын кумылаҥдыше призыштым налыт. «Сеҥымашын 100 меҥгыже» эстафета куржталмашке ушнаш йодмашым 20-шо февраль марте 8 929 733 07 74 телефон дене пуаш кӱлеш.
Фото: Ленин лӱмеш тӱвыра полатын ВК-се лаштыкше.
Фото: Ленин лӱмеш тӱвыра полатын ВК-се лаштыкше.
