Российын банкше шӱдӧ теҥгеаш у кагаз окса дене палымым ыштен
Российын банкше шӱдӧ теҥгеаш у кагаз окса дене палымым ыштен. Теҥгечысе кече гыч Российын рӱдӧ банкше уэмдыме кагаз оксам обращенийыш луктын. Шӱдӧ теҥгеаш окса Москолан да Рӱдӧ федерал округлан пӧлеклалтын. Мелын могыржын тӱҥ сӱретше Моско Кремльын Спасский башньыжын ужашыжым ончыкта, шеҥгел могырыштыжо Совет салтаклан Ржевысе мемориалым сӱретлыме. Оксан тӱсшат вашталтын. Тудо оливково-нугыдо сар тӱсан лийын, куар кодым вераҥдыме. Тудын гоч Россий банкын лаштыкышкыже лекташ лиеш. Банкнота кызытсе жаплан келшыше дизайн дене ыштыме да 200 теҥгеаш семынак вияҥдыме аралыме комплексан улеш. У окса обращенийыш эркын лектеш да 1997-ше, 2001-ше, 2004 ийыште лукмо окса дене тӧр кошташ тӱҥалеш.
Фото: скрин. МариМедиа.
Фото: скрин. МариМедиа.
