Марий Эл волонтёр- влакым чапландара

                      Марий Эл волонтёр- влакым чапландара. Йошкар-Олаште нунын лӱмеш пайрем эрта. Самырык- влакын полатыштышт добровольчестве аланыште тыршыше, диплом да грамот дене палемдыме эн устаже- влак погыненыт. Наградым Марий Эл Правительстве председательын икымше алмаштышыже Михаил Васютин кучыктен да «Туныктыш» калыкле проектын «Социал чолгалык» регионысо проектшын тенийсе пашажлан иктешлымашым ыштен. Тачысе кечылан республикыште 74 тӱжем доброволец шотлалтеш. Тений «Ме пырля» акций кышкарыште шуко пашам ыштыме. 300 утла волонтёр чер шарлыме жапыште, самоизоляцийыште улшо  илалше да коштын кертдыме еҥ-влаклан полшеныт. Пашам чаткан виктарен колташ манын, «Ме пырля» волонтёр штаб- влакым ыштыме ыле. Кум тылзе жапыште волонтёр- влак тӱжемат 77 йодмаш дене пашам ыштеныт, 20 тӱжем утла кочкыш сату наборым намиен пуаш полшеныт. «Российын  доброволецше» Российысе конкурс радамыште Марий Эл гыч 30 еҥ конкурсын полуфиналышкыже лектын. Тидыже Юл кундемыште нылымше вер лиеш. Торжественный пайрем таче Самырык- влакын полатыштышт эртен.

Прошлые выпуски