Теле мучко Юл эҥер гоч еҥ- влакым юж пундашан судно дене шупшыкташ тӱҥалыт

                 Теле мучко Юл эҥер гоч еҥ- влакым юж пундашан судно дене шупшыкташ тӱҥалыт. Козьмодемьянск олан администрацийже ден «Флагман» ушем тидын шотышто соглашенийым ыштеныт. Лишыл кечылаште юж пундашан судным кондат. Калыкым 20-шо декабрь деч вара шупшыкташ тӱҥалыт. Кызыт Курык марий район да Козьмодемьянск олан администрацийышт калык коштмо верыште тоя да изи меҥге- влакым вераҥдат. Олан мэрийыштыже тидымат ушештареныт: ий ӱмбаке йолын да транспорт дене лекмаш эҥгекыш гына огыл конден кертеш, штрафымат тӱлыкташ палемдыме. Ий ӱмбаке лекташ чарыме палым вераҥдыме гын, лекше еҥлан тӱжемат пеле гыч кок тӱжем теҥге штрафым тӱлыктат.

Прошлые выпуски