Марий сӱретчылан калык лӱмым пуымо
Марий сӱретчылан калык лӱмым пуымо. Марий Элым вуйлатыше Александр Евстифеев «Россий сӱретче- влак ушемын» марий пӧлкажын еҥже Иван Ямбердовлан «Марий Элын калык сӱретчыже» Чап лӱмым пуымо шотышто Указеш кидпалыжым пыштен. Документым республикым вуйлатышын официальный сайтыштыже савыктыме. Тудын сӱрет сымыктыш аланыш пыштыме кугу надыржым тыге аклыме. Иван Ямбердов марий калыкын ойыртемжым почын пуа, тудын тӱвыра йӱлажым у семын ончен акла. Талантан мастерын радынаже- влак юзо моторлыкышт дене кумылым савырат, шонкалаш таратат, символ- влакын мом ончыктымыштым кычалаш ӱжыт.
