Россий кӱкшытан пелмарафон Йошкар-Олаште онлайн формат дене эрта
Россий кӱкшытан пелмарафон Йошкар-Олаште онлайн формат дене эрта. «Забег.РФ» Российысе пелмарафоным ямдылыше- влакын увертарымышт почеш Башкирийын, Марий Элын да Приморский крайын правительствышт тиде мероприятийым тӱшкан эрртараш ок лий манын увертареныт. Сандене Уфаште, Йошкар-Олаште да Владивостокышто куржталмаш 2-шо августышто онлайн эрта. Кӧ регистрацийым эртен гын, 2-шо августышто шке ойырен налме кужытшым посна куржын эртен кертеш. Куржталаш пакет: стартын номерже, футболка, рюкзак, журнал, вӱд икымше августышто 10 гыч 20 шагат марте, кокымшо августышто 8 гыч 10 шагат марте Чарла кремльыште пуалтеш. 2-шо августышто ойырен налме кужытым эртымеке шке результатшым мобильный приложенийын скриншот семын электрон почтыш колтышаш. Сеҥыше- влакым Чарла Кремльыштак палемдаш тӱҥалыт.
