Российын правительствыже Марий Эллан 400 миллион теҥге оксам ойырен
Российын правительствыже Марий Эллан 400 миллион теҥге оксам ойырен. Республике тиде шийвундым транспорт инфраструктурым чоҥаш да пужен ышташ налеш. Тидын нерген Российын премьер- министрже Михаил Мишустин увертарен. Тудын мутшо почеш федерал правительство экономикыште неле ситуациян лу регионлан умбакыже полышым пуа. Нине субъектлан индивидуальный программым илышыш шыҥдараш июньышто 26 миллиард утла теҥге оксам колтымо. 2024-ше ий мучаш марте нуно экономикым нӧлталаш да калыкын илышыжым саемдаш вич миллиард теҥге гыч налыт. Марий Эл тиде окса дене аэропортым, автовокзалым, пассажир причал- влакым ыштышаш. Кум ий жапыште юджет ассигнований 400 миллион утла теҥгеш погына. Тидыже юж корным ешараш, калыкым шукырак шупшыкташ да пригородный транспортым саемдаш полша,- каласен Михаил Мишустин.
