Марий Элым вуйлатыше Россий Президентын эпидемиологий йодыш дене эртарыме совещанийыште лийын

Марий Элым вуйлатыше Россий Президентын эпидемиологий йодыш дене эртарыме совещанийыште лийын. Селектор совещанийым Владимир Путин элна мучко санитар- эпидемиологий шотышто могайрак сӱрет улмын да шыже- теле пагытлан тазалыкаралтыш системым ямде улмыжо йодыш дене эртарен. Тудо палемден: эпидемий жапыште медицина полышым пуышо система чаткан пашам ыштен. Туге гынат, йодыш эше пӱсын шога. Эркышнаш амал уке, - манын тудо. Чыла кундемыштат чер шагалеммаш эше ок шижалт, южо вере сӱрет ок куандаре. Мутат уке, тичмаш налмаште чер шагалемаш тӱҥалын. Регион- влак йыжыҥ дене чарымаш гыч кораҥыт, производство почылтеш, предприятий, ужалкалыме вер- влак пашам тӱҥалыт. Шоналтыде, вашкен кораҥмаш уэш чер шарлымашке шуктен кертеш. Сандене тазалыкаралтыш системын куатшым вияҥден толман. Ончылно шыже- теле пагыт вуча. Тиже жапыште кылме чер шарла, коронавирус шарлымашат ешаралт кертеш. Марий Эл кызыт  чарыме мероприятийым кораҥдыме кокымшо йыжыҥыште улеш. 29-ше июльлан шотлымаште черланымаш шагалемаш тӱҥалын. Кодшо арняште черланыше- влак ик суткаште  28 гыч 18 марте шагалемыныт. Яра койко фонд 50 процент наре аралатеш. Тазалыкаралтыш министерстве 1-ше август гыч медицина организаций- влакын шке пашаштым эркын тӱҥалме планым ямдылен. Медицина эскерымаште 729 еҥ кодеш. Тушечын 716 еҥже черле- влак дене кылым кученыт, 13 еҥже вес элла гыч пӧртылын.

Прошлые выпуски