«Эн сай муниципал практике» конкурсышто сеҥыше- влакым рашемдыме
«Эн сай муниципал практике» Российысе конкурсын регионысо йыжыҥыштыже сеҥыше- влакым рашемдыме. Верысе калык дене пайдале вашкылым ыштыме, верысе мер самоуправленийым вияҥдыме, мерысе самоуправленийыш калыкым ушымо номинацийыште теҥгече сеҥыше- влакын лӱмыштым каласыме. Нунын коклаште Козьмодемьянск ола, Медведево районысо Озакъял ден Краснооктябрьский илем, Курык марий районысо Кузнецово, Килемар велысе Визымйар илем улыт. Регионышто эн сайлан шотлыме чыла илемжат тиде номинацийыштак конкурсын федерал йыжыҥыштыже таҥасаш тӱҥалыт.
