«Калыкын кугешнымашыже» премийлан йодмаш- влакым налыт
Российысе калык- влакын ассамблейже Россий кӱкшытан икымше мер премийлан йодмаш- влакым налаш тӱҥалме нерген увертарен. «Гордость нации» премий Российысе калык- влакын икоян улмыштым пеҥгыдемдымашке да этнокультурно вияҥдымашке шке пыштыме надырлан пуалтеш. Тиде лӱм верч калык кокласе кылым почын пуышо этнокультурный организаций- влакын ончылъеҥышт, шочмо йылмым туныктышо, этножурналист да блогер- влак, калык кидмастар, усталык коллективлам вуйлатыше да участник- влак кучедал кертыт. Йодмаш- влакым шым номинаций дене ончаш тӱҥалыт. Нуно тыгай улыт: коклык кокласе кылым да тыныслыкым пеҥгыдемдымылан, шочмо йылмым аралыме да вияҥдымылан, геонацполитике шотышто увер дене палдарен шогымылан, калыкле-тӱвыра ушем- влакын эн сай проектыштлан, Келшымаш Портын, Калык- влакын Пӧртыштын, Калык усталык Порт да рӱдер- влакын эн сай пашаштлан, Российысе калык- влакын тӱвыраштым арален кодымылан улыт. Соискатель- влак йодмашым 15-ше сентябрь марте пуышаш улыт.
