Йошкар-Олан кечыже кунам лиеш?
Йошкар-Олан шочмо кечыже вашеш эн сай саламлымашлан оласе конкурсым увертарыме. Ола округысо тӱвыра виктем конкурсыш ушнаш ӱжеш. Тудо тачысе кече гыч 7-ше август марте эрта. Участник- влаклан ола калык деке виктаралтше олан кечыж дене саламлымашым шонен лукташ кӱлеш. Пайрем ой видеосаламлымаш, почеламут, муро, такмак, фото саламлымаш семын лийын кертеш. Чыла йодышым 64-17-88 номер дене рашемдаш лиеш. Олан кечыже 6-шо августышто але туддеке лишыл шуматкечын палемдалтеш. Но тений кунам лийшашыжым ешарен увертарат.
