Пугачёвын тумыжо «Талукын Российысе пушеҥгыже» лӱм верч умбакыже кучедалеш

Пугачёвын тумыжо  «Талукын Российысе пушеҥгыже» лӱм верч умбакыже кучедалеш. «Пушеҥге- влак- пӱртӱсын илыше чапкӱжо» Российысе программын сайтыштыже «Элнан тӱҥ пушеҥгыже» верч йӱклымаш умбакыже шуйна да 1-ше октябрь марте йӱклаш лиеш. Иктешлымаш 10-шо октябрьыште эртаралтшеш. «Талукын Европысо пушеҥгыже» тӱнямбал конкурсыш ойырен налме йыжыҥлан шотлалтеш. Тудыжо европысо чыла элыште 2011-ше ий годсек эртаралтеш. Российысе пушеҥге- влак 18-ше, 19-ше да 20-шо ийлаште призёр лийыныт. Тений сеҥыше пушеҥге «Талукын Европысо пушеҥгыже- 2021» конкурсышто кучедалаш тӱҥалеш. Шуко йӱкым пога гын, Пугачёвын тумыжат сеҥен кертеш. Сандене республикысе калык тумынам ончыкырак луктын кертеш.

Прошлые выпуски