Республикым вуйлатыше Йошкар-Ола мэрийын кундемлам вияҥдыме шотышто пашажым аклен
Республикым вуйлатыше Йошкар-Ола мэрийын кундемлам вияҥдыме шотышто пашажым аклен. Марий Элын вуйлатышыже Александр Евстифеев паша дене Йошкар-Ола мучко коштын савырнен. Тидын годым оласе кумдык- влакым вияҥдыме йодышым каҥашыме. Выездной совещанийыште чоҥымаш министр Михаил Степанов ден олан мерэже Евгений Маслов участвоватленыт. Александр Евстифеев палемден: Йошкар-Олаште кок корно дене паша чолган виктаралтеш: яра верлаште у микрорайонлам чоҥымаш да тошто пӧртла гыч еҥ- влакым кусарен, тудын олмышто у илемым нӧлтымаш. Ончымо ик участке Успенский урем, Гагарин проспект, Панфилов да Превомай урем- влак дене авыралт шогышо мланде кумдык. Тушто тошто, рончышаш кок пачашан кок пӧрт верланен. Нуным кораҥден, 2022-шо ий марте шуко пачашан пӧртым чоҥаш палемдыме. У пӧрт тыгак Дружба ден Машиностроитель урем ушнымаште троллейбус парк воктене шочын кертеш. Тудо индеш пачашан кум подъездан лийшаш. Республикым вуйлатыше тидымат ешарен: шуко пачеран пӧрт- влакым социал объект- влак дене иканаште чоҥыман. Ушештарена: 2019-ше ийын лектышыже почеш, Марий Элыште илыме верым 397 тӱжем квадрат метрым чоҥымо. Тидыже 2018-ше ий дене таҥастарымаште 118 процент лиеш. 2025-ше ий марте тошто пӧртла гыч калыкым кусарыме программым пеҥгыдемдыме. Тушко 2017-ше ий марте аварийныйлан шотлымо 400 шуко пачеран пӧртым пуртымо.
