Рвезе- влак салтак илышлан тунемыт

             СОБР-ын сотрудникше- влак призыв ийготыш шудымо йоча- влаклан эртарыме тунемме сборышто участвоватленыт. «Российлан служитлем! Росгвардийлан служитлем» Россий кӱкшытан акций кышкарыште Росгвардий виктемын СОБР-жын сотрудникше- влак самырык тукымым военно-патриот шӱлышеш шуарыме «Авангард» регионысо рӱдерын курсантше- влак дене занятийым эртареныт. Куярысе шуарыме да туныктымо специализированынй комплексыште призыв ийготыш шудымо самырык тукымлан военный службын негызше дене тунемме сбор- влак эртат. Вич кече жапыште рвезе- влак лӱйкалыме, строй дене коштмо, тактик, вий-куат да военно- медицина ямдылалтмаш дене курсым эртат, салтак служба да армий порядке дене палыме лийыт. Мероприятий тӱналтышыште подразделенийын еҥже- влак тунемше –шамычлан марий СОБР-ым ыштыме историй нерген видеороликым ончыктеныт, тудын задачыже, росгвардеец- влакын патырлыкышт да героизмышт нерген каласкаленыт. Вара офицер- влак сар-курал да спец средствым ончыктышо выставке дене палдареныт. Кумылан кажне еҥже формым чиен ончен, йодыш- влаклан вашмутым налын.

Прошлые выпуски