Самолётын чоҥештылме жапше вашталтеш

                 Икымше октябрь гыч Йошкар-Ола аэрпорт гыч самолёт- влакын чоҥештыме расписанийышт вашталтеш. «Марий Элыште авиаций» порталын увертарымыж почеш,  кок корно «Йошкар-Ола- Сочи» ден «Йошкар-Ола- Москва» вашталтеш. Икымше октябрь гыч шошо марте, у курорт тургым тӱҥалмешке, самолёт- влак Сочишке чоҥештылмым чарнат. Сочишке коштмым чарныме дене Москошко коштмо рейсат вашталтеш. Рӱдӧ олашке да мӧҥгешлат ончычсо семынак кажне вӱргечын, кугарнян да рушарнян кошташ тӱҥалыт лач жапше гына весе лиеш. Вӱргечын да рушарнян Йошкар-Олашке Моско гыч 17 шагатлан лектеш, кугарнян 20 шагатат 25 минутлан. «Йошкар-Ола-Москва» самолёт вӱргечын да рушарнян 19 шагатат 15 минутлан, кугарнян 22 шагатат 35 минутлан чоҥештен кая. Йошкар-Ола ден Санкт-Петербург коклаште рейсын расписанийже ок вашталт.

Прошлые выпуски