Самырык вокалист- влак Россий кӱкшытан конкурсышто кокымшо верым сеҥен налыныт

Самырык вокалист- влак Россий кӱкшытан конкурсышто кокымшо верым сеҥен налыныт
          Марий Эл гыч самырык вокалист- влак хор да вокал коллективлан Россий кӱкшытан конкурсыштышт кокымшо верым сеҥен налыныт. Йошкар-Оласе 19-ше номеран школын хоржо «Орлёнок» йоча рӱдерыште Россий конкурсышто таҥасен. Краснодар крайысе «Стремительный» йоча лагерь негызеш конкурсын финалже эртен. Тудо тӱрлӧ ийготан тунемше- шамычым да еш ансамбль- влакымат ушен. Ӱчашымаште чылаже 100 тӱжем утла тунемше участвоватлен. Нуно элысе коло тӱжем школ гыч лийыныт. Финалыш 45 коллектив лектын. «Орлёнокыш» 33 регион гыч тӱжем самырык мурызо миен. Нуно 7 гыч 18 ияш марте лийыныт. Сеҥыше- влакым кум номинацийыште палемдыме. Иктешлыше выступленийыште Йошкар-Ола гыч 19-ше школын ӱдыр-рвезыже- влакат лийыныт. Жюри нунын усталыкыштым кӱкшын аклен. Тыге «Самырык жапын мурыжо- влак» хор кокымшо верым сеҥен налын.
Фото: ВКонтакте вотышто 19-ше школын тӱшкаже гыч.

Прошлые выпуски