«Сандалык курым. Тӱҥалтыш» ончер почылтын
Йошкар-Олаште «Сандалык курым. Тӱҥалтыш» ончер почылтын. Олан историй тоштерыштыже ыштыше ончер 20-шо курымын ик эн кугу событийжылан- айдемын сандалыкыш чоҥештымыжлан пӧлеклалтын. Мийыше- влак комосыш чоҥешташ кӱлешан южо ӱзгар- влакым, совет калыкын, Йошкар-Олаште илыше- влакынат илышыштышт тудо магай вашталтышым ыштымыжым ончыктышо экспонат- влакым ужын кертыт. Ончер апрель марте пашам ышта. Ушештарена: Юрий Гагагрин сандалыкыш 1961-ше ийын 12-шо апрельыште чоҥештен. Мланде шар йыр тудо 108 минутышто савырнен да мландыш пӧртылын.
