Санкт-Петербургышто Марий Эл Республикын кечыже эрта
Санкт-Петербургышто Марий Эл Республикын кечыже эрта. Верысе калыкым да уна- влакым «Россия в узорах» этнофестиваль кышкарыште марий тӱвыра дене палдарат. Мероприятий кокымшо декабрьыште Россий этнографий тоштерын Мрамор залыштыже лиеш. «Порсын мундыра. Ший шӱртӧ. Марий Элын кечыже» программыш мийыше- влак марий калыкын тӱвыра ден йӱлажым ужын, кундемнан ойыртемже дене палыме лийын кертыт. Юл ден Урал кундемын этнографий пӧлкажым вуйлатышын «Россий этнографий тоштерын коллекцийлаштыже марий сымыктыш» лекцийжым колышташ лиеш.
Тиддеч посна Евсеев лӱмеш марий калыкле тоштерын шанче пашаеҥже Надежла Васканова «Марий ӱдырымаш- влакын кид юзышт» шке лекцийжым эртара. Тушто тудо марий тӱр нерген каласкала. Мероприятийыште «Югорно» фольклор коллектив марий муро ден куштымаш- влакым ончыкта, «Шыжарвла» ансамбль кӱсле дене шокта.
Программе кышкарыште Евгения Кошкина «Тукым» автор вургем коллекцийжым ончыкта, Надежда Акиева кид дене ыштыме марий тӱран этнический деловой вургем коллекцийжым темла. Мероприятийыште мастар-класс- влак лийыт. «Юл да Урал кундемысе калык- влак» экспозицийын заллаштыже Марий Эл гыч мастар- влакын пашашт ончыкталтыт да тематике экскурсий- влак эртаралтыт.
Фото: Россий этногрфий тоштер.
Тиддеч посна Евсеев лӱмеш марий калыкле тоштерын шанче пашаеҥже Надежла Васканова «Марий ӱдырымаш- влакын кид юзышт» шке лекцийжым эртара. Тушто тудо марий тӱр нерген каласкала. Мероприятийыште «Югорно» фольклор коллектив марий муро ден куштымаш- влакым ончыкта, «Шыжарвла» ансамбль кӱсле дене шокта.
Программе кышкарыште Евгения Кошкина «Тукым» автор вургем коллекцийжым ончыкта, Надежда Акиева кид дене ыштыме марий тӱран этнический деловой вургем коллекцийжым темла. Мероприятийыште мастар-класс- влак лийыт. «Юл да Урал кундемысе калык- влак» экспозицийын заллаштыже Марий Эл гыч мастар- влакын пашашт ончыкталтыт да тематике экскурсий- влак эртаралтыт.
Фото: Россий этногрфий тоштер.
