Алексей Соколов Африкын виш чемпионатыштыже кок той медальым сеҥен налын

Алексей Соколов Африкын виш чемпионатыштыже кок той медальым сеҥен  налын
             Йошкар-Ола гыч Алексей Соколов Африкын виш чемпионатыштыже кок той медальым сеҥен  налын. Куштылго атлет 45 ияш марте ветеран- влак коклаште таҥасен. Тунисыште кодшо кечылаште ветеран- влак коклаште куштылго атлетике дене Африкын 15-ше виш  чемпионатше эртен. Стартыш тӱрлӧ эл гыч 35 да кугурак ийготан спортсмен- влак лектыныт. Российысе куштылго атлет- влак 40 медальым сеҥен налыныт. Тушечын кокытшым спринтер дисциплиныште Марий Элын рекордсменже Алексей Соколов налын. Тудо шӱдӧ метрыш куржмаште кумшо верыш, 200 метрыш куржмаште адакат кумшо верыш лектын. Кок ганажат икымше верым Алжир гыч спортсмен Талах Сноусси налын, а кокымшо верыш кок ганажат мемнан эл гыч Сергей Удалов лектын. Африкын виш чемпионатше тений Алексейын кокымшо  тӱнямбал стартше. Майыште тудо Тайваньыште спорт ветеран- влакын кеҥежымсе 10-шо Тӱнямбал модмаштышт эстафетыште сеҥыше лийын ыле.
           Фотом Алексей Соколов пуэн.

Прошлые выпуски