Вараш кодшо йӱксӧ…

Вараш кодшо йӱксӧ…
          Советский район гыч йӱксӧ- влакым утарыше эше ик кайыкым телылан налаш келшен. Гришино ял гыч Владимир Еменгуловым чынжымак йӱксым утарыше манаш лиеш. Тудо телылан чоҥештен каен кертдыме кок йӱксым ашнен луктын. Эн ончыч тудын дене Василиса илаш тӱҥалын, вес ийын тудын деке Виталий манын лӱмдымӧ кайык ушнен. Тений адак Кугу Руясола пӱяште ик йӱксӧ каяш ок шоно. Владимир тудымат налаш келшен. Но йӱксым ий кылмымеке гына кучаш лиеш. Кайык чынжымак черле гын, тудо чоҥештен ок кай, кая гын, тугеже чалажат сай. Ӱмаште мутлан плотина гыч йӱксӧ кылмыдыме вӱд метр кумдык кодмеке гына чоҥештен каен.
               А теве Шернур районысо пӱяште изи иган йӱксӧ еш кодын. Районысо ик пабликыште полшаш йодын возат. Аблан починга ден Мустай ял воктене Сердыж эҥерысе пӱяште кайык ешым ужыныт. Тушто кум йӱксӧ кушкын шудымо кум игышт дене илат. Ава-ачашт, очыни, игыштым коден ынешт кай. Вашке пӱям ий налеш. Тунам мо лиеш? -Тургыжланат верыште илыше - влак. Постышто кугыжаныш инспекторын телефонжым ончыктеныт. Ала тудо полша?
         Фото: «Подслушано Сернур» ВК

Прошлые выпуски