Кугу тӱшка дене спиртым закондымын налмылан да аралымылан ик миллион теҥге штрафым тӱлыктат
Марий Элысе Волжский районшто илыше еҥым кугу тӱшка дене спиртым закондымын налмылан да аралымылан ик миллион теҥге штрафым тӱлыкташ ыштеныт. Рашемдыме: 2024-ше ийын мартыште 63 ияш пӧръеҥ лицензий деч посна Кӱсола ялысе озанлыкыштыже 768 кленча этил спирт ден спиртан вӱдым, чылаже кум тӱжемат 400 литрым, налын арален. Тудын дене мом ышташ шонымыжо нерген огыт возо. Республикысе прокуратурын увертарымыже почеш закондымо пашажым полиций чарен шогалтен. Суд пӧръеҥым титаканлан шотлен. Судитлыме еҥ шкежат титакшым тӱрыс умылен. Тудлан ик миллион теҥге штрафым тӱлыкташ палемденыт. Поген налме сатужын акше 149 тӱжемат 500 теҥгеш аклалтын. Чыла продукцийжым пытарышаш улыт.
Фото: Марий Элын Прокуратурыжо.
Фото: Марий Элын Прокуратурыжо.
