Запорожский областьыште пашам ыштыше Марий Эл гыч врач- влакым Лука Крымскийын медальже дене палемдыме
Запорожский областьыште пашам ыштыше Марий Эл гыч врач- влакым Лука Крымскийын медальже дене палемдыме. Медицина пашаеҥ-влакын бригадыштым 2022-шо ийын декабрьыште Российын у кндемлаштыже йоча- влаклан профосмотрым ышташ командироватлыме ыле. Шымше декабрьыште медик-землякна- влак корно происшествийыш логалыныт да бригадым вуйлатыше Медведево районысо рӱдӧ эмлыме верын врач-педиатрже Наталия Кострова ӱмыр лугыч лийын, бригаде гыч молыштат изиш эмганеныт. Наталия Костровалан, вуйым пыштымекыже, Пирогов орденым пуымо. Тудым родо-тукымжылан кучыктымо. 11-ше февральыште Россий Президентын Запорожский областьыште йоча- влаклан полышым пуышо Марий Эл гыч медицина пашаеҥ- влакын бригадыштын чыла еҥжымат кугыжаныш награде дене наградитлыме шотышто Указше лектын. Экстремальный условийыште медицина полышым пуымо годым кӱкшӧ профессионализм ден шкем чаманыде тыршымашытлан Лука Крымскийын медальже дене Надежда Беленковам, Виктория Воеводам, Надежда Вохминцевам, Надежда Кудрявцевам, Ольга Маклашинам, Гульнара Омельченком, Наталья Полянинам, Елена Рубановам, Замзания Сафуковам, Римма Сурьяниновам, Лилия Темерешевам наградитлыме.
Фото: Тазалыкаралтыш министерстве.
Фото: Тазалыкаралтыш министерстве.
