«Кугу Какшан» заповедникыште янлык ден кайык- влакын кышаштым войзен налыныт
«Кугу Какшан» заповедникыште янлык ден кайык- влакын кышаштым войзен налыныт. Тиде арнян заповедникын пашаеҥже- влак оролымо кумдыкышто илыше янлык ден кайыкым телым маршрут дене шотлымашым мучашленыт. Нунын тергымашкышт урын, мераҥын, ир сӧснан, луйын, шордын, рывыжын, мланделуйын, музын кышашт логалын. Заповедникын пашаеҥже- влакын мутышт почеш ынде нуно теле маршрут учётын карточкыжым ыштышаш, заповедникысе янлык- влакын чотыштым да ик кундемыште тӱшкан илыме чӱчкыдылкыштым шотлышаш улыт. Вара шотлымо данный- влакым кажне ийын лукмо «Пӱртӱс летописьыш» пуртат.
Фото: «Кугу Какшан» заповедник.
Фото: «Кугу Какшан» заповедник.
