«Йоча пӧрт» специализированный пӧртыш йочан праваже шотышто уполномоченный Ольга Торощина миен

«Йоча пӧрт» специализированный пӧртыш йочан праваже шотышто уполномоченный Ольга Торощина миен
               Республикысе йоча клинический эмлыме вер пеленысе «Йоча пӧрт» специализированный пӧртыш Республикыште йочан праваже шотышто уполномоченный Ольга Торощина миен. Тушто кум ияш марте йоча- влак илат. Йоча- влакым ача-авшт кудалтен коденыт да ача-ава праваштым поген налме улыт. Нуным тышке жаплан вераҥдыме. Тушко мийыме годым уполномоченный Йоча пӧртын тӱҥ врачшын алмаштышыже Елена Ложкина дене, вара пашаеҥже да воспитанникше- влак дене вашлийын. Тиде пӧртыш кондымо годым кажне йочам специалист- влак терген лектыт. Тиддеч вара йочалан вияҥме индивидуал программым 6 тылзылан, реабилитаций, коррекций планым ыштат. Тиддеч посна неле илыш йыжыҥыш логалше ешла гыч йоча- влаклан тазалыкым пӧртылтымӧ да реабилитаций группым ыштыме. Уполномоченный деке начар ешла, йоча- влаклан илыш ден тазалыкыштлан лӱдыкшӧ, шоналтыде йочам еш гыч ойырымо, йочам ешыш пӧртылтымӧ, ава-ава правам мӧнгеш пуымо шотышто йодыш- влак шуко пурат. Кажне ситуацийже йочан интересшым шотыш налын посна ончалтеш.
             Фото: Йочан праваже шотышто уполномоченный.

Прошлые выпуски