Сеҥымаш кечылан Йошкар-Олаште поян пайрем программым ямдылыме
Сеҥымаш кечылан Йошкар-Олаште поян пайрем программым ямдылыме. Тудо эрдене 8 шагат гычак Мемориал да Марково шӱгарлаште иза-шольо шӱгар- влак деке пеледышымм пыштымаш гыч тӱҥалеш, пел шагат гыч Сеҥымаш паркыште торжественный мероприятий лиеш, а воин чап Мемориал воктене 9 шагатат 30 минутлан театрализованный концерт вуча. 10 шагатат пелылан Воин Чап монумент да Курымашлык тул воктеке пеледыш аршашым пыштат. 11 шагатлан Ленин проспект мучко Йошкар- Ола гарнизонын войскаже да кадет- влак торжественно таҥошкыл эртат. Вара кажне площадкыште тӱрлӧ меропрятий лиеш. 11 шагатат 45 минутлан Ленин площадьыште пайрем концерт, 12 шагатлан Шкетан театр шеҥгелсе Шкетан садыште концерт, 13 шагатлан рӱдӧ паркыште концерт, 14 шагатлан Сеҥымашын 30-шо идалыкше лӱмеш тӱвыра полат ончылно концерт, 15 шагатлан Республикысе курчак театр ончылно эше ик концерт, 17 шагатлан Никонов площадьыште марий эстрада шӱдыр- влакын, 19 шагатлан рӱдӧ паркыште концерт- влак вучат. 21 шагатлан мероприятий- влак мучашлалтыт.
Фото: Йошкар-Ола администраций.
Фото: Йошкар-Ола администраций.
