Ик тылзе гыч «Чодыра йомак» комплексыште кеҥежымсе смена почылтеш

Ик тылзе гыч «Чодыра йомак» комплексыште кеҥежымсе смена почылтеш
            Ик тылзе гыч Тазалыкым пеҥгыдемдыме да эмлалтме «Чодыра йомак» комплексыште кеҥежымсе смена почылтеш. Тидын нерген Республикым вуйлатыше Юрий Зайцевлан туныктыш министр Лариса Ревуцкая увертарен. Министрын мутшо почеш Марий Элым вуйлатышын комплексым петырыме нерген решенийже деч вара тӧнежын чыла парымжым тӱлымӧ, исполнительный производствым петырыме, погым арестоватлымашым кораҥдыме. Министр каласен: таче кечылан кочмыверын, медпунктын, 60 веран корпусын леведышыжым капитально олмыктымо. Кызыт пищеблокым, йоча корпусым, кочмыверым, тӱжвал сценым ачалат, уремысе свтильник- влакым уэмдат, йӱштылмӧ верым тӱзландарат, саварым вераҥдат. Юрий Зайцев палемден: май мучашлан кеҥеж канышым тӱҥалаш чыла ямде лийшаш. Лариса Ревуцкая тидымат ешарен: ик зданийым талантан йоча да самырык- влакым пален налаш да полшаш «Волгенче» регионысо рӱдерым ышташлан капитально олмыкташ палемдыме. Рӱдерым «Сириус» тунемме рӱдерын модельже почеш ышталтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски