Йошкар-Олаште шокшо вӱдым жаплан йӧрташ ямдылалтыт
Йошкар-Олаште шокшо вӱдым жаплан йӧртымӧ икымше йыжыҥлан ямдылалтыт. Шокшо вӱдым кунам йӧртышаш жап пале лийын. Рӱдӧ ола мэрийыште увертарыме почеш тиде мероприятийым кок черет дене ыштат. Тиде жапыште теплосетьлаште кӱлеш гидроиспытанийым эртарат. Тидыже пучын начар вержым рашемдаш да жапыштыже кораҥдаш полша. Чарымашын икымше черетше 23-шо гыч 29-ше май марте лиеш, шокшо вӱдым 30-шо числаште пуат. Кокымшо йыжыҥже 13-шо июнь гыч тӱҥалеш, вӱдым 20-шо июньышто пуат. Кудо черетышкыже могай пӧрт- влак логалмым икымше ТЭЦ-ын сайтыштыже муаш лиеш.
