Сеҥымаш кечым пайремлаш ямдылалтмаш умбакыже шуйна
Марий Элым вуйлатыше Александр Евстифеевын кӱштымыж почеш Йошкар-Олаште Сеҥымаш кечым пайремлаш ямдылалтмаш умбакыже шуйна. Урем- влакым тисте дене сӧрастарат, транспорт чарныме верлаште, пӧрт да предприятий пырдыжлаште Кугу Сеҥымашым ончыктышо баннер- влакым пижыктат. Воин Чап мемориалыште уэмдыме пашам шуктымо, Курымашлык тулышто шӱдырым вашталтыме. Теҥгече Герой- влакын лӱмышт дене лӱмдымӧ Суворов, Анциферов, Сталинград кучедалмашын Геройжо- влакын уремлаште герой- влакын лӱмышт дене мемориал оҥа- влакым вераҥдыме. Кугу Сарын фронтлаштыже республике гыч 140 тӱжем утла еҥ кредалын. Йошкар-Оласе военкомат гыч фронтыш 20 тӱжем утла еҥ каен, вич тӱжемат 500 утлаже пӧртылын огыл.
