Тений идалык мучаш марте Марий Элыште тӱжемат 504 меҥге кужыт регион кӱкшытан корным олмыктен шуктат
Тений идалык мучаш марте Марий Элыште тӱжемат 504 меҥге кужыт регион кӱкшытан корным олмыктен шуктат. Тиде показатель мо нерген ойла? 2025-ше ий январь марте Марий Элын регионысо тӱшка сетьше деч 52 процент корныжо норматив дене келшен толшо лийшаш. Республикын корно сетьше 8 тӱжемат 650 меҥгыш шуэш. 2023-шо ий мучашлан федерал кӱкшытан корнын 92 утла процентше, регион кӱкшытан корнын 44 процентше, верысе значениян корнын 25 процентше нормативлан келшен толын. Чылаже тӱжемат 273 меҥге регионысо корным олмыктымо. 2019-ше ий тӱналтышлан улыжат 56 меҥге гына лийын. «Качестван лӱдыкшыдымӧ корно» калыкле проект кышкарыште Йошкар-Ола агломераций радамыш Йошкар-Олан, Медведево, Советский, Оршанке посёлкылан верысе значениян 146 меҥге кужыт урем сетьше пурен. 2024-ше ий мучашлан чыла корнын 88 процентшым але 129 меҥге корным олмыкташ палемдалтеш. Россий регион- влакын корнын качествыже шотышто рейтингышт почеш Марий Эл 82-шо верым айла. Адакшым Марий Эл корнышто лӱдыкшыдымлык шотышто кӱкшӧ рейтинган субъект- влак радамыш пурен.
Фото: «Марий Элын корныжо влак».
Фото: «Марий Элын корныжо влак».
