Ешын талукыштыжо Марий Эл посна тӱткышым йоча- влаклан ойыра

Ешын талукыштыжо Марий Эл посна тӱткышым йоча- влаклан ойыра
         Ешын талукыштыжо Марий Эл посна тӱткышым йоча- влаклан ойыра. Теҥгече «Журавушка» социал-реабилитаций рӱдерыште ашнаш налше да опекун еш- влаклан «Йолташ- влакын вашлиймашышт» мероприятий эртен. Событий Российын Президентше Владимир Путинын увертарыме Ешын талукшылан пӧлеклалтын. Марий Элым вуйлатыше Юрий Зайцевын кӱштымыжӧ почеш мероприятийыш Правительстве вуйлатышын икымше алмаштышыже Михаил Васютин миен. Тудо палемден:  событийын тӱҥ задачыже- ача-авадыме йоча- влаклан ешын тӱрлӧ модельжым ыштымаш да  ашнаш налше еш- влакын статусыштым нӧлтымаш. Тиддеч вара Михаил Васютин Волжский районысо школлаш миен. Пӧтъял школышто кызыт капитально олмыктымо паша кая. Тушто ырыктыме, вӱдым ситарыме, канализаций системым монтироватлыме, пырдыжым чиялтыме, спортзалыште у кӱварым ыштыме, пищеблокым уэмдыме. Пашам 95 процентлан шуктымо. Подрядчик пашам у тунемме ий тӱҥалмылан шукташ сӧра.  Волжск оласе 6-шо номеран школын зданийжым аварийныйлан шотлымо. Сандене йоча- влакым 12-шо школыш кусарыме. Нуным вераҥдаш 16 кабинетым келыштарыме. Тыгак тӱналтыш школлан спортзалым ачалыме, кокымшо пачашын фойежым олмыктымо, окнам вашталтыме да моло пашамат шуктымо. 12-шо номеран школым уэмдаш республикын бюджетше гыч 6 миллион утла теҥгем ойырымо. Правительстве вуйлатышын икымше алмаштышыже школлаште олмыктымо пашам терген лектын, подряд организацийын еҥышт дене мутланен. Чыла пашам жапыштыже мучашлаш кӱлеш манын палемден. Ешын талукыштыжо правительствын тӱҥ пашажлан тунемме инфраструктурым саемдымаш да шинчымашым налаш йӧным ыштымаш шотлалтеш манын палемден.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски