Марий Элым тудо уло чонжо дене йӧратен шынден да кажне кечын утларак да утларак тудын дене кугешна
Марий Элым вуйлатыше Куба, Вьетнам, Беларусь, Турций, Казахстан, Венесуэла да Арменийын журналистышт дене вашлийын. Нуно Марий Элыш пресс-тур кышкарыште толыныт. Юрий Зайцев журналист- влак дене Марий Эл нерген мутланен, экономике, тӱвыра да туризм аланыште тӱнямбал вашкыл йодышымат тарватен. Мутланыме годым глава каласен: Марий Элым тудо уло чонжо дене йӧратен шынден да кажне кечын утларак да утларак тудын дене кугешна. Тидымат палемден: республике уна- влакым уло эл да лишыл йотэлла гычат шке декыже шупшын шога. Экскурсант- влакым кундемын пӱртӱсшӧ, рӱдӧ олан архитектурыжо, Шереметев замок кумылаҥдат. 2023-шо ийыште Марий Элыш ик миллион утла турист толын каен.
Тений Козьмодемьянскыште причалым почмо. Тудо талукышто 300 пассажир да круиз судным приниматлен кертеш, Йошкар-Ола аэропортын пассажир терминалже чоҥалтеш, унам вашлийме сфера вияҥеш. Тӱвыра тӧнеж- влак Белоруссий, Казахстан, Таджикистан, Китай дене пеҥгыде кылым кучат. Республикын производство да ял озанлык аланыште кугу куатше уло. Кодшо ийын Марий Эл 61 эл дене ужалкалыме да экономике кылым кучен.
Уна- влак вашлийын мутланаш йӧным ыштымылан таум каласеныт. Марий Элыште пресс-тур 9-ше гыч 12-шо август марте эртен да Регион- влак кокласе кӱкшытан кокымшо «Йошка Еш» гастрономий фестиваль ден Йошкар-Олан 440 ияш лӱмгечыжлан пӧлеклалтын. Журналист- влак Йошкар-Олан сылне верлажым онченыт, Шереметев замкыште, Козьмодемьянскысе тоштерлаште, Унчо этнотӱвыра комплексыште лийыныт.
Фото: Марий Элым вуйлатышын администрацийжын увер дене пашам ыштыше пӧлкаже.
Тений Козьмодемьянскыште причалым почмо. Тудо талукышто 300 пассажир да круиз судным приниматлен кертеш, Йошкар-Ола аэропортын пассажир терминалже чоҥалтеш, унам вашлийме сфера вияҥеш. Тӱвыра тӧнеж- влак Белоруссий, Казахстан, Таджикистан, Китай дене пеҥгыде кылым кучат. Республикын производство да ял озанлык аланыште кугу куатше уло. Кодшо ийын Марий Эл 61 эл дене ужалкалыме да экономике кылым кучен.
Уна- влак вашлийын мутланаш йӧным ыштымылан таум каласеныт. Марий Элыште пресс-тур 9-ше гыч 12-шо август марте эртен да Регион- влак кокласе кӱкшытан кокымшо «Йошка Еш» гастрономий фестиваль ден Йошкар-Олан 440 ияш лӱмгечыжлан пӧлеклалтын. Журналист- влак Йошкар-Олан сылне верлажым онченыт, Шереметев замкыште, Козьмодемьянскысе тоштерлаште, Унчо этнотӱвыра комплексыште лийыныт.
Фото: Марий Элым вуйлатышын администрацийжын увер дене пашам ыштыше пӧлкаже.
