Антон Трудинов рӱдӧ оласе эҥер серыште чоҥалтде кужун шогышо объект нерген ойлен
Йошкар-Ола мэрын пашажым шуктышо Антон Трудинов рӱдӧ оласе эҥер серыште чоҥалтде кужун шогышо объект нерген ойлен. Тудо регионым виктарыме рӱдерыште вияш эфирыште Юлтехын ректоржо, социал кӱлешан проект- влакын координаторжо Игорь Петухов дене лийын. Эфирыште оласе рӱдӧ микрорайонышто илыше- влак деч пурышо йодыш- влакым каҥашыме. Ик йодышыжо эҥер серыште чоҥалтде шогышо объект дене кылдалтын. Калык тушко ийготыш шудымо- влак погынат да осал пашат лийын кертеш манын тургыжланат. Антон Аркадьевичын ойлымыжо почеш тиде объект йымлсе мланде участкым арендыш пуымо улмаш. Кызытсе озаже республике деч ӧрдыжтӧ улеш, арендылан икмыняр ий тӱлен огыл. Мэрий тудым Административно мутым кучаш шогалташ тырша, суд пристав- влакат ушненыт. Ончыкыжым ужалкалыме да каныме комплексым чоҥен шуктышаш улыт. Тиддеч посна вияш трансляций годым кудывечылам, контейнер площадкылам, сквер ден парклам кучымо йодыш- влакым каҥашыме. Вес вияш эфирыште Гомзово да Индешыме микрорайонлаште илыше- влак деч пурышо йодышлам каҥашаш тӱналыт.
Фото: Михаил Сергеев.
Фото: Михаил Сергеев.
