Археолог- влакын книгаштым презентоватлыме
Йошкар-Олаште археолог- влакын книгаштым презентоватлыме. Историй да археологий тоштерыште «Предмет, образ, символ: марий тӱвыран вожшо деке» книга дене палымым ыштеныт. Тудын авторжо- влак- историй шанче доктор-шамыч Татьяна Никитина ден Валерий Никитин да историй шанче кандидат Диана Ефремова. Правительстве вуйлатышын алмаштышыже- тӱвыра министр Константин Иванов палемден: савыктыш марий калыкын историйжым ончыктышо фундаментал паша. Тудо Васильев лӱмеш МарНИИЯЛИ-лан да Евсеев лӱмеш калыкле тоштерлан тиде пашаш ушнымыштлан тауштен да палемден: книгалан кӧра историйым сайынрак умылаш да шинчымашым ончыкылык тукымлан пуэн кодаш лиеш. Книгаште Марий кундемыште илыше калыкын кӱ курым жап гыч средневековье саман марте акрет годсо сымыктыш ӱзгар дене палыме лияш лиеш. Автор- влак тӱҥ шотышто марий калыкын ожнысо тӱвыражлан да калыкын вияҥмыжлан тӱткышым ойырат. Икымше гана книгам Москошто ВДНХ-ште 26-шо майыште презентоватлыме.
Фото: Николай Любимов.
Фото: Николай Любимов.
