Марий филармонийым тений чоҥен шуктат
Йошкар-Олаште Марий кугыжаныш филармонийым идалык мучаш марте чоҥен шуктымо лиеш. Марий Элым вуйлатыше Александр Евстифеев объектыште лийын да Яков Эшпай лӱмеш Марий кугыжаныш филармонийын полатшым чоҥымо пашам аклен. Медведево ПМК-м вуйлатыше Юрий Васенёвын мутшо почеш, апрельыште фасад ямде лиеш, майыште- пурымо вер, июньышто воктелсе кундемым тӱзландарат. Тӱшка чоҥымо паша- влакым тыгак июнь кыдал марте мучашлышаш улыт. Чыла контарктым пеҥгыдемдыме. Республикым вуйлатыше объектын кӱлешан улмыжым палемден да чоҥымо пашам жапыштыже шукташ кӱлеш манын. Чоҥымо пашам мучашлымаш «Тӱвыра» калыкле проект кышкарыште шукталтеш. Пашан тӱшка акше 650 миллион утла теҥге. Кодшо ийын ойырымо оксам пӱтынек кучылтмо.
