«Ош маска» тазалык спартакиадым иктешлыме
«Йоча спорт» проект кышкарыште школышто тунемше- влак коклаште таҥасымаш- влак кумшо гана эртеныт. Республикыштына идалык еда тиде проект дене «Ош маска» тазалык спартакиада эртаралтеш. Тушто проект почеш олмыктымо школышто тунемше да спорт оралте- влакым пужен ыштыме тӧнежлаште тунемше- влак вийыштым ончыктат. 2020-шо ийыште эпидемологий сӱретлан кӧра спартакиадым ончычсо семын эртараш йӧн лийын огыл, сандене тудо онлайн режимыште лийын. «Ош маскан» лектышыжым 26-шо январьыште иктешлыме. 14 район да кум ола гыч индешымше классыште тунемше- влак, турникыште нӧлталалтыныт, кужытыш тӧрштылыныт, кӱвар гыч нӧлталалтыныт, челночный куржталмаш дене нормативым шуктеныт. Зачётым физкультура уроклаште приниматленыт. Икымше йыжыҥыште 17 командым ойырен налме. Кокымшо йыжыҥыште 17 гыч кум сеҥышым палемдыме. Тыге икымше верыш Козьмодемьянскысе школын, кокымшышто Советский районын, кумшышто Марий Турек районын тунемшышт улыт. Кумшо йыжыҥже чарымашым кораҥдымек, оффлайн йӧн дене лийшаш. Тушто кум сеҥыше дене пырля 2019-ше ийыште «Йоча спорт» проектым шыҥдарыше- влак таҥасат.
