Иканаште - кум Гран-при
Теҥгече Йошкар-Олаште куштызо да хореограф- постановщик- влакын «Михаил Мурашко йолташыже- влакым ӱжеш» 14-ше тӱнямбал фестиваль-конкурсышт пашажым мучашлыш. Ныл кече жапыште элысе 16 регион гыч усталык коллектив- влак мастарлыкыштым ончыктышт. Чылаже тӱжем утла участник сеҥышыш лекшаш верч ӱчашыш. Кажныже могай -гынат номинацийыште посна диплом да лауреат лӱм дене палемдалте. Моско гыч толшо лӱмлӧ жюри тений кум Гран-прим палемден. Тиде кӱкшӧ лӱмым Тюмень ола гыч «Зори Тюмени» кугыжаныш калык куштымаш ансамбльын йоча хореографий студийже, Россий Федераций калык усталыкын сулло коллективше «Марий памаш» калык фольклор- этнографий ансамбль, Морко районысо Шлань ял клубын «Эр кече» фольклор ансамбльже сеҥен налыныт. Тиде конкурс-фестивальлан вес ийын 15 ий темеш.
Фото: Конкурс-фестивальын ВК лаштыкше.
Фото: Конкурс-фестивальын ВК лаштыкше.
