Марий Йӱштӧ Кугызан резиденцийже верч йӱклаш ида мондо
Россий кӱкшытан «Служение» муниципал премийын лауреатше- влаклан йӱклымаште Марий Йӱштӧ Кугызан резиденцийжым поддержатлаш ӱжыт. Лауреат- влак верч калык йӱклымаш уло элна мучко эрта да 6-шо апрель марте шуйна. Лач те шке йӱкда дене сеҥыше- влакым ойырен налыда. Келге ойырен налмашым эртыше проект- влак коклаште мемнан проектат уло- Шернур районышто верланыше Марий Йӱштӧ Кугызан Резиденцийже. Тудо «Кундемлам вияҥдымаш- калыкын улан илышыже» номинацийыште таҥаса. Кызыт тиде- йомак вер гына огыл, а чынжымак тӱвыра рӱдер. Тушто унам вашлийме зал, тоштер уло, мастар-класс- влак эртат, марий калыкын тӱвыражам, йӱлажым, илышыжым пален налаш йӧн уло. Йӱклаш Кугыжаныш полыш порталыште Служение лаштыкыште лиеш.
Фото: Архив.
Фото: Архив.
