СВО-н ветеранже нушкын коштшо- влакым ончыктышо выставкым ямдылаш шонен пыштен

СВО-н ветеранже нушкын коштшо- влакым ончыктышо выставкым ямдылаш шонен пыштен
               Оршанке район гыч СВО-н ветеранже нушкын коштшо- влакым ончыктышо выставкым ямдылаш шонен пыштен. Андрей Фёдоровых социал контракт кышкарыште шке пашажым почаш кумылаҥын. Андрейан 40 ий. Тудо Чечняше кредалын, вара лӱмын эртарыме сар операцийыште сусырген. Кумшо группа инвалидностьым налын. Пелашыже дене кок йочам ончен- куштат. Передовой гыч пӧртылмеке «СВОй бизнес» федерал програме почеш тунемын да шке пашам виктарыме тӱҥ шинчымашым налын, бизнес-планым ышташ тунемын, регистраций, налогообложений, маркетингым умылаш тунемын. Шонен пыштымашыже пеш оҥай. Тудо Йошкар-Олаште животный- влакын изирак ончерыштым ышташ да уна- влакым кишке, шыҥшале да моло нушкын коштшо дене палымым ышташ шона. Кызыт Андрей Фёдоровых «Ачамландым аралыше- влак» фондын филиалже деч социал контрактым пеҥгыдемдаш темлымашым налын.
          Фото: «Ачамландым аралыше- влак» фондын филиалже.

Прошлые выпуски